?

Log in

No account? Create an account
хроники вялостановящегося бахаи
"Приветствую тебя, бич Божий!" (с) епископ Труа св. Луп — Аттиле
Пайшла сур'ёзная размова!.. Вядома, мае параўнанні Сінявокай з… 
Четверг, 18 июн 2020, 10:23
freedom from secularism
Пайшла сур'ёзная размова!..

Вядома, мае параўнанні Сінявокай з Буркіна-Фасо і г. д. шмат у чым іранічна-палемічныя, з'едлівыя (генеалогія параўнання з Буркіна-Фасо, у нараджэнні якога прымалі ўдел не толькі параўнанне СССР з Верхняй Вольтай, але і жарцік пра электрыфікацыю ўсёй краіны, здаецца, вельмі ў гэтым сэнсе красамоўны). Не буду спрачацца і з тым, што ў палемічным запале зрэдчас (а можа і часта) іронія і з'едлівасць кудысьці губляліся, і знак роўнасці ў маіх тэкстах абрастаў зусім не іранічным мясам. Але калі Сінявокую параўноўваюць з Ізраілем на тым жа сайце, дзе рэкламуюць расказ Ганны Хітрык аб тым, як яе сям'і ці то школа, ці то сацыяльная служба "дала паганяць" камп'ютар на час дыстанцыйнага навучання сына, ці спасылаюцца на параўнанне яе ж з Катарам і Сінгапурам (не люблю "паўтарэння - маці заікання", але што зробіш! нагадаю, што ў пытанні смяротнасці мы і ў некаранавірусныя часы былі ў розных "вагавых катэгорыях"), то паўстае пытанне: у чыіх параўнаннях большая (або меншая) хібнасць?!

Пытанне пра тое, наколькі сучасная Беларусь "савецкая", нагадала мне абвінавачванне, якое Наталля Машэрава ў свой час закінула Рыгорычу (што ў нас няма савецкай улады, таму што ў сучасных Саветаў нулявая роля, а Вярхоўнага, наколькі памятаю, ужо ўвогуле не было). Але такой жа нулявой роля Саветаў была і пры камуністах (прынамсі, пасля Кранштату), і ўжо высланы Троцкі абвінавачваў у гэтым Сталіна. Пра "асабістую адданасць і крэўныя сувязі" я таксама б паспрачаўся наконт таго, наколькі яны адрозніваюць тое, што існавала пад псеўданімам "савецкай улады", ад сучаснага беларускага рэжыму. Творы Зямскова, Штурман і іншых Аўтарханавых (нешта з іх можна знайсці тут) прымушаюць вельмі ў гэтым сумнявацца. Сфера паслуг "савецкасці" таксама не зусім супярэчыць: "жыць стала лепш, жыць стала весялее!" (с); яшчэ можна згадаць нэп ці перабудову з яе кааператывамі. Паколькі той самы аўтарытарызм, у які на адной шостай сушы ператварыўся сталінскі таталітарызм, застаўся і ў Сінявокай, я б ад канстатацыі яе "савецкасці" не адмаўляўся...

Што да Буркіна-Фасо, то трошкі прыдзіруся да колькасці беларускіх вну: усе ведаюць, як у нас павышаўся статус навучальных устаноў (але вось наколькі павысілася якасць навучання, — тое яшчэ пытанне! Асабліва [зноў нагадваю ў сувязі з пандэміяй] усялякія рэформы, у т. л. і спробы на гад скараціць навучанне ў медыкаў). Так што, аўтар сам заўважыў, што Сінявокая з Буркіна-Фасо (па некаторых з тых параметраў, па якіх мы пакуль што лепш) ідуць насустрач адна адной. Так што, хаця з астатнім я згодны, я б не спяшаўся адмаўляцца "пісаць іх праз коску"!.. :(
Comments 
Четверг, 18 июн 2020, 07:59
Вельмі сур'ёзная :)
З Ізраілем ё крыху больш падстаў параўноўваць Сінявокую, чым з Буркіна-Фасо. Так, не выключаю, што к 2030 г. мы зблізімся з Б.-Ф. - "тады і прыходзьце" з пісанінай праз коску :)) Дарэчы, Пётр, а як спалучаюцца мары пра Валенсу і Гаўла з пошукамі для Беларусі "сясцёр па розуму" ў Афрыцы, прычым у бедных яе частках?
Аўтарытарызмы бываюць розныя, і познеСССР-аўскі моцна адрозніваецца ад РБ-шнага. Некаторыя істотныя крытэры я згадваў, а во яшчэ адзін: магчымасць больш-менш вольна выязджаць за мяжу (+ заставацца там без фатальных наступстваў для сябе/сям'і).
Четверг, 18 июн 2020, 08:50
Ну, спіс таго, чым мы падобныя на Буркіна-Фасо Вы самі прывялі. Спіс таго, чым мы не падобныя на Ізраіль таксама вялікі (памеры, клімат, фінансавая падтырмка з боку ЗША, адносіны з суседзямі, плюс "вішанька на торце" магчымасць даць "паганяць камп'ютар" усім школьнікам). Так што я не ведаю, дзе знайсці тыя вагі, на якіх гэта "больш-менш" не патыхала бы густаўшчынай.

Я не шукаю для Сінявокай "сясцёр па розуму", яны самі знаходзяцца!.. :( Яшчэ раз: я ўвесь час кажу пра тое, дзе мы ёсць, а не пра тое, дзе хацелася б быць.

Нечым гэтыя аўтарытарызмы, вядома, адрозніваюцца, але па некаторым з Вашых некаторых істотных крытэрыяў я розніцу не заўважыў (гл. вышэй). Выязджаць за мяжу і заставацца там без фатальных наступстваў можна было ў раннім СССР і ў канцы перабудовы (так што Ваш "позні СССР" яшчэ не зусім "позні").
Четверг, 18 июн 2020, 08:57
Хоць ты яшчэ адзін тэксцік пішы :) А я ж ужо думаў з кампаратывістыкай завязаць...
Добра, калі замяніць "з пошукамі" на "са знаходжаннем", адкажаце на пытанне?
Четверг, 18 июн 2020, 09:08
Г. зн. чаму я "сясцёр па розуму" для Сінявокай знаходжу невядома дзе? (Не толькі ў Афрыцы: там жа, дзе і Заходняя Сахара, была і Папуа-Новая Гвінея.) Ну, не ведаю: астатнія аналогіі неяк не кідаюцца ў мае вочы...
Четверг, 18 июн 2020, 09:18
Пытанне гучыць так: "Як спалучаюцца мары пра Валенсу і Гаўла з пошукамі (ОК, закрэслена) знаходжаннем для Беларусі "сясцёр па розуму" ў Афрыцы, прычым у бедных яе частках?"
Магчымы варыянт адказу: Валенса і Гавел - гэта метанімія, меліся на ўвазе Лумумба і Мандэла :)) (Праўда, Патрыс і Нэльсан таксама не ў Буркіна-Фасо/Заходняй Сахары/Эрытрэі актыўнічалі.)
PS. А можа, Вы ўжо не хочаце для Беларусі "Гаўла ці Валенсу" (як было тыдзень таму)? Тады пытанне здымаецца...

Edited at 2020-06-18 09:41 (UTC)
Четверг, 18 июн 2020, 09:43
А таму што гэта — паралельныя, незалежныя адзін ад аднаго працэсы: мары — у маёй галаве, а тое, што знаходзіцца — як матэрыя ў Леніна (ці паэзія ў Маякоўскага) "існуе незалежна ні ад чаго" / "існуе — і ні ў зуб нагой".

Ваша пытанне нагадала мне эпізод з "Віні-Пуха", які казаў Кроліку пра свае вершы: "Ты же знаешь, на меня это иногда находит." — "Понятно," — сказал Кролик, который не позволял ничему на себя находить, а всё находил и хватал сам. Дык вось: я — не Кролік (нават не Віні-Пух), я — І-А!

Edited at 2020-06-18 09:44 (UTC)
Четверг, 18 июн 2020, 09:54
Дзякуй за адказ - цяпер я лепей зразумеў, адкуль растуць ногі ў ранейшых разважанняў пра "манілаўшчыну". "Si nous n'avions point de défauts, nous ne prendrions pas tant de plaisir à en remarquer dans les autres" (François de La Rochefoucauld).
Четверг, 18 июн 2020, 10:14
Буду спадзявацца на лепшае!.. А то, па вялікім рахунку, на Ваша пытанне пра Валенсу з Гаўлам я адказаў як раз у тым каментары, пасля якога Вы спыталіся, ці адкажу я на яго. Першы варыянт адказу выглядае так: "Яшчэ раз: я ўвесь час кажу пра тое, дзе мы ёсць, а не пра тое, дзе хацелася б быць".
Четверг, 18 июн 2020, 10:20
Размова павольна перарастае ў таптанне на месцы... Пётр, месяц таму Вы, здаецца, збіраліся на мяне нейкіх IT-шнікаў напусціць, каб яны абаранілі рэпутацыю свайго сектару? Чакаю з нецярпеннем :))
Четверг, 18 июн 2020, 10:31
вось і я кажу: увесь час даводзіцца на ўсе лады паўтараць адно і тое ж (амаль па Маякоўскаму: "Гив ми да сэм ти, сэм ти да гив ми"). Так што яна не "перарастае ў таптанне на месцы": яна амаль увесь час ім і была.

Гэта Вам здаецца, што я "збіраўся". Я спадзяваўся, што "ПВТ-шная "супольнасць" (асабліва ў яе нядаўна пашыраным складзе, калі туды было ўключана шмат мелкіх фірм) на закіды аўтара таксама адкажа. Што ж зробіш, калі спадзяванні аказаліся марнымі...

Edited at 2020-06-18 10:33 (UTC)
Четверг, 18 июн 2020, 10:43
ОК, вось Вам суцяшальны прыз - сённяшні загаловак самі-здагадайцеся-пра-што: "Гэта нагадвае выбары ў афрыканскіх дыктатурах, а не ў Еўропе" https://nn.by/?c=ar&i=253735 Хаця, калі вярнуцца да Б.-Ф., то дзеючы прэзідэнт Рок Марк Крысцін Кабарэ атрымаў у 2015 г. толькі 53,5% галасоў, яго супернік - 29,7%...
Четверг, 18 июн 2020, 11:44
Дзякуй, хаця навошта мяне суцяшаць? Пра 53% я казаў у 2010 годзе.


ЖЖ создан в 09:16 GMT 2 дек 2022 .