Петр Резванов (peter_rezvanov) wrote,
Петр Резванов
peter_rezvanov

нарэшце!

Здаецца, з кастрычнiка Купалаўскi тэатр паказвае "Местачковае кабарэ", а я толькi сёння здолеў яго паглядзець (што праўда, я не адзiны такi: заля Цэнтральнага дому афiцэраў, дзе пакуль што адбываюцца гэтыя спектаклi, была поўная). Паколькi апошнiм часам для мяне мястэчка = штэтл, я б назву змянiў на "Кабарэ на крэсах", бо для штэтлу тры (хай сабе i добрыя) габрэйскiя нумары, з якiх толькi адзiн на iдыш (як на мой густ, з "габрэйскай цыганачкай" яны трапiлi ў дзясятку! але i з iншых нумароў анiводны не трапiў у "малако"), - замала (нават з улiкам таго, што адраджэнне iўрыту пачала габрэйская iнтэлегенцыя, якая не ведала iдышу). Але гэта, безумоўна, не прынцыпова...
Як папярэджваецца напачатку, кабарэ Варшавы, Вiльнi i Львова бралi за ўзор парыжскiя, а глыбiнка - кабарэ мясцовых сталiц. Таму нiчога падобнага на вядомы фiльм чакаць не варта (хiба што адзiн з нумароў музычна блiжэй да Берлiну; але што зробiш, калi апошнi знаходзiцца памiж Парыжам i Варшавай! Да таго ж змест усё роўна не бярлiнскi, а мясцовы). Адзiн з нумароў, наадварот, блiжэй да "жорсткiх" альбо "гардскiх рамансаў" усходняй суседкi, але зноў жа, што зробiш: памежжа!.. (Тым больш што пра "гарадскi раманс" пiсаў нават Чапек, так што, хутчэй за ўсё, было i нешта мясцовае, але я пра гэта не ведаю...) I ўсё гэта трошкi прыпраўлена джазам (зноў жа: тады ён быў у модзе не толькi за акiянам).
Так што ўбачанае (хутчэй пачутае) цалкам адпавяае аўтарскай задуме, i хаця не ўсе нумары роўныя, i да класiчнага "Народнага альбому" спектакль не дацягвае (iзноў жа: чаго чакаць ад глыбока правiнцыйнага вар'етэ?!), але задвальненне (тыя, хто мяне ведае, зразумелi, што ў першую чаргу - ад тэкстаў) атрымана, калi тэатр вырашыць (чаму б i не?!) выдаць гэты спектакль на (хай сабе i аўдыё-) дыске, я яго абвязкова набуду!.. Адзiнае што я разабраў не ўсё словы, так што тым, хто яшчэ не хадзiў, раю купляць бiлеты блiжэй да сцэны i з правага боку (г. зн. з большымi нумарамi месцаў).
I вось яшчэ што: па жанры "Местачковае кабарэ" больш адпавядае музычнаму тэатру, але ў нас ужо даўно няма сувязi памiж жанрам i тэатрам (дастаткова ўзгадаць "Оперу жабракоў" альбо "12 крэслаў"), i я нiчога дрэннага ў гэтым не бачу...
Tags: Беларусь, еврейское, культурная жизнь, рецензия
Subscribe

  • гумарысты, аднак!

    Як ужо адзначалася, "вось хаджу я па горадзе" (с) Гоп-са-смыкам, і раптам бачу рэкламу: "Pandora — лучший подарок!" Калі пагугліць, робіцца…

  • (no subject)

    Як было адзначана ў дапісаным учора UPD, Пуцін выцер ногі аб Рыгорыча: "І калі б не вы — у гэты перыяд, я гляджу, Масква адмаўляе:…

  • (no subject)

    Ітак, Еўрапейскі Вяшчальны Саюз прыняў рашэнне прыпыніць членства Белтэлерадыёкампаніі. Усё было б добра, але "а судзі хто?" Вяртаючыся да таго,…

  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 0 comments